PATHIAN KOHHRAN THALAI PAWL
MIZO | ENGLISH |
|---|---|
Pathian Kohhran Thalai Pawl (PKTP) hi Kohhran kut leh ke ni turin, Ni 25 June, 1978 kumah Elder Zataia In, Kulikawna Church of God(Seventh Day) : Mizoram Conference Executive Board Meeting chuan Mizoram puma din a rawt a, hemi hma 1971 vel hunlaiah Ratu khuaah din lo ni tawh mahse, Mizoram pum huapa din a nih kum, 1978 hi PKTP din kum atan MPKTP General Conference Vawi 28 na chuan lungrual takin a pawm ta a. He ni hi PKTP Day atan hman zui a lo ni ta a ni. Hruaitu hmasa berte erawh chu 1980 kuma General Conference-ah thlan an ni ta thung. Hruaitu hmasa berte zingah Evan. HC. Lallawma leh Pi Rose Lalbeiseii Hnamte te kan zinga tel leh min la dampuitute an ni. | |
PKTP hian a tirah chuan a hrangin General Conference a ko thei lova, Kohhranpui inkhawmpui ruala rorel pawh neih ve mai thin a ni. Chuti chung chuan Budget intukin Khaw hrang hrangah PKTP pawh din a lo ni ve zel a, Inkaihhruaina Bu te siamin mumal takin a kal chho ve zel a ni. | |
PKTP Inkaihhruaina Bu hi ennawn leh siamthar a lo nih ve fo avang leh tunlai mila her rem a hun ve tawha hriat anih avangin Kum 2021-2023 Term-ah khan a pumpuia ennawn duhna a lo awm a, hemi hunchhung hian Logo, Thupui, Thupui innghahna leh PKTP thiltumte chu thlak leh rem fel a lo ni ta a ni. | |
Thupui : Rawngbawlna hlen Thupui innghahna : II Timothea 4:5 “Nang erawh chu engkimah fimkhur la, hrehawm tuar la, Chanchin tha hriltu lam hna thawk la, I rawngbawlna kha hlen rawh.” Thiltumte :
| |
Pathian Kohhran Thalai Pawl-ah hian Church of God (Seventh Day) mi, Kum 13-45 thleng member an ni thei a. Kum 45 chunglam, pawl tana thahnem ngaia tel duh apiangte pawh an tel thei. | |
Pathian Kohhran Thalai Pawl hian inrelbawl dan felfai tak neiin, rorelna chhawng thum (3) hetiang hian a nei :
|
|
Mizoram Pathian Kohhran Thalai Pawl hi, Mizoram chhung leh pawna Thalai pawlte khaikhawmtu ber a ni a, Hruaitu nih hun chhung hi Term khat kum hnih niin, General Conference kum khat danah neih thin a ni a, he hunah hian a hnuai ami ang hian Hruaitu inthlan thar thin a ni. President Vice President General Secretary Secretary (2) Treasurer Fin. Secretary | |
Circle PKTP pawh lo thang lian ve zelin, PKTP Circle Conference pawh neih a lo ni ve chho ta a, MPKTP hnuaiah hian Circle pariat (8) a awm mek. Chungte chu : Aizawl Circle Champhai Circle Chawngte Circle Lunglei Circle Mamit Circle Siaha Circle Siata Circle Phawngpui Circle |